Navigar sin dossierpazient.ch

Survista dals purschiders dal DEP Sa participar al DEP

  • l dossier electronic dal pazient (DEP) vegn introducì pass per pass en Svizra. En Svizra datti differentas offertas dal DEP. Prescripziuns naziunalas procuran che tut ils purschiders dal DEP èn colliads segiramain in cun l'auter.

    La Lescha federala davart il dossier electronic dal pazient (LDEP) pretenda che ospitals acuts, clinicas psichiatricas sco er clinicas da reabilitaziun e chasas da tgira u  chasas da parturir introduceschian il DEP. Per tut las autras instituziuns da sanadad è la participaziun al DEP facultativa. Il DEP vegn introducì pass per pass cun la certificaziun dals purschiders dal DEP l'onn 2021.

  • Poss jau tscherner libramain mes purschider dal DEP?

    Las persunas spezialisadas dal sectur da sanadad u las instituziuns da sanadad che vulan u che ston sa participar al DEP èn libras da tscherner lur cuminanza (da tschep), premess ch'ils chantuns concedian la libertad da tscherner a lur instituziuns da sanadad. Entant che las pazientas ed ils pazients dastgan esser annunziads mo tar in purschider dal DEP, pudais Vus sco persuna spezialisada dal sectur da sanadad esser annunziada u annunzià tar pli che in purschider dal DEP certifitgà. Quai po per exempel far senn, sche Vus lavurais en duas instituziuns che n'èn betg tar il medem purschider dal DEP – quai vala per exempel per in'ortopeda che ha in'atgna pratica e che lavura il medem mument sco media accreditada en in ospital.

    Per ina participaziun al DEP As infurmai sin il portal da survista, tge purschiders dal DEP ch'èn gia certifitgads u ch'èn sin via da vegnir certifitgads.

Ultima modificaziun 28.01.2021